भक्तपुर फागुण २० गते ।
सूचना विभागको आयोजनामा भक्तपुरमा नेपाली पत्रकारितामा समावेशी विषयमा तीनदिने अभिमुखीकरण कार्यक्रम आज सम्पन भएको छ । कार्यक्रममा सूचना बिभागका महानिर्देशक विरबहादुर राईले यो तिन दिने अभिमुखीकरण तालिमले सहभागीहरुलाई समावेशी समाचार लेखनमा अझ तिखारिएको बिश्वास लिएको बताउनु भयो । संविधानले नै सबै क्षेत्रमा समावेशीलाई जोड दिइसकेकाले सञ्चार क्षेत्रलाई पनि समावेशी बनाउन सरकार लागिपरेको बताउनु भयो ।
नेवाः पत्रकार राष्ट्रिय दबू भक्तपुर र नेपाल आदिवासी जनजाति पत्रकार महासंघ भक्तपुरको संयोजनमा भएको कार्यक्रममा भक्तपुरमा क्रियाशील ४० जना सञ्चारकर्मीहरुको सहभागिता रहेको छ । अभिमुखीकरणमा वरिष्ठ पत्रकार सुरेश आचार्यको नेतृत्वमा डा. विजय मिश्र, डा. राजेश अहिराज, खिम घले र मीरा राजभण्डारीले प्रशिक्षण दिनुभएको थियो ।