हरितालिका तीजको अवसरमा आज भक्तपुरको विभिन्न स्थानका महादेव मन्दिरहरुमा दशनार्थीहरुको घुईंचो लागेको छ। विशेषगरी दत्तात्रय, केदारनाथको शिर डोलेश्वर, दरवार स्क्वायरको पशुपति मन्दिर, आशापुरी र यातु महादेव मन्दिरमा भक्तजनको विशेष घुईंचो लागेको हो।
तीजको दिन महिलाहरु रातो पहिरण, छड्के तिलहरी र विभिन्न गरगहनाले सजिएर निराहार व्रत बसी महादेव मन्दिर आउने गर्छ। आजको दिन महिलाहरु व्रत बस्नाले अटल सौभाग्य र सदासर्वदा भरिभराउ, श्रीमान् र परिवारजनको सुस्वास्थ्य दिघायू हुने जनविश्वास रहेको पाइन्छ।
पार्वतीले भगवान् शिव वर प्राप्त होस भनी मनोकांक्षा राखेर तीजको व्रत बसेपछि तीजको चलन आएको संस्कृतिकर्मी ओम धौभडेलले जानकारी दिए।